Connect with us

Լրահոս

Եթե չեք կարող օգնել մեզ, գոնե փորձեք չխանգարել․ Արմեն Մելիքբեկյան

Դեկտեմբերի 28-ին տեղի է ունենում ՀՖՖ 20-րդ հերթական համաժողովը, որը սկսվեց ՀՖՖ նախագահ Արմեն Մելիքբեկյանի խոսքով։ Սակայն ամփոփիչ խոսքի փոխերն Մելիքբեկյանը հայտնեց, որ դեկտեմբերի 22-ին «Սևան» ֆուտբոլային ակումբը անվստահություն է հայտնել ՀՖՖ նախագահին, և այդ հարցի՝ օրակարգում ընդգրկվելը պետք է դրվի օրակարգ։ Մելիքբեկյանն իր խոսքում նշեց․

«Հարգարժան ժողովի պատվիրակներ, հարգելի գործկոմի անդամներ, ֆուտբոլային հանրության ներկայացուցիչներ: Այսօր՝ այս ծանր ժամանակահատվածում իմ ուղերձը պետք է սկսեի համերաշխության և միավորման մասին խոսքերով: Ցավոք, անակնկալ իրադարձությունները, որոնք ծավալվեցին վերջին օրերի ընթացքում ստիպում են ինձ այլ կտրվածքով կառուցել խոսքս: «Սևան» ՖԱ-ն որոշել է անվստահություն հայտնել ինձ, չեմ վախենա այդ խոսքից՝ անգրագետ մի փաստթուղթ ուղարկելով ՀՖՖ դեկտեմբերի 22-ին: Այդ փաստաթղթի իրավական գնահատականը կտրվի այսօր: Այն մարդիկ, որոնք ուղարկել են այդ փաստաթուղթը և ովքեր կանգնած են այդ մարդկանց հետևում, թքած ունեն հայկական ֆուտբոլի վրա: Այսօր մենք պետք է քննարկեինք ծանրագույն պայմաններում տեղ գտած մեր հաջողությունները զարգացնելու հնարավորությունները: Միասնական ուժերով մեր ազգային հավաքականի և ֆուտզալի հավաքականի կողքին կանգնելու, աջակցելու ուղիները: Փոխարենը մենք ստացել ենք առանց որևէ հիմքի մի պահանջ, որը ոչ այլ ինչ է, եթե ոչ աթոռակռվի վառ օրինակ։

Սա անարգանք է նաև ժողովի այն պատվիրաիկների նկատմամբ, ովքեր աշխատում են ՀՖՖ աշխատակազմի հետ, աշխատում են մեզ հետ, բայց վերջին օրերին զանգեր են ստանում իմ դեմ քվեարկելու խնդրանքով։ Շատերն ուղղակի ապշել են նման հանդգնությունից։ Ամենակարևորը՝ նրանբք, ովքեր սա նախծաձեռնել են, ընդհանրապես թքած ունեն հանրային կարծիքի վրա, այն մարդկանց վրա, ովքեր հայկական ֆուտբոլի շահառու են։ Լինեն դրանք երկրպագուները, ովքեր իրենց գնահատականը տվել են, լինի ֆուտբոլային ընտանիքի այլ անդամներ, ովքեր ժողովի կազմում չեն, թե լինի լրագրողական հանրությունը։ Իմ գնահատմամբ՝ ստեղծված իրավիճակը խայտառակություն է։ Այդ մարդիկ չեն հասկանում, որ սրանով ոչ միայն ծիծաղելի իրավիճակի մեջ են դնում ամբողջ հայկական ֆուտբոլը, այլև վնասում են հայկական ֆուտբոլի ամրապնդվող իմիջին։

Այս պահին մեզ հետևում են ՈՒԵՖԱ-ի, ՖԻՖԱ-ի ներկայացուցիչները, մեզ աշխատող արտասահամյան գործընկերները։ Եվ ի՞նչ են նրանք մտածում հայկական ֆուտբոլի մասին։ Ի՞նչ կմտածեն այն հայ ֆուտբոլիստները, որոնց հետ մենք հիմա բանակցում ենք, որպեսզի ընդգրևկենք տարբեր հավաքականների կազմերում։ Ի՞նչ կմտածի ազգային հավաքականի գլխավոր մարզիչ Խոակին Կապառոսը, որը հիմա հետևում է ու չի հասկանում՝ ինչպես կարելի է անվստահություն հայտնել, երբ ծանրագույն պայմաններոյմ իր գլխավորած թիմն աննախադեպ հաջողության է հասել։ Ի՞նչ կմտածեն, որ հավաքականի հաջողություններից հետո ինչ-որ մեկն առանց պատճառի ՀՖՖ նախագահի հրաժարականն է պահանջու՞մ։ Թեև շատ վիրավորական եմ համարում այն ամենը, ինչ տեղի է ունենում, վերջին անգամ կոչ եմ անում հանդարտվել, մոռանալ անձնական ամբիցիաների մասին և ուժերի ներածին չափով լծվել հայկական ֆուտբոլի զարգացման գործին։ 2021թ․-ը կարող է ակնյունաքարային լինել հայկական ֆուտբոլի համար։ Մենք կարող ենք զարգացնել հաջողությունը, թեև հասկանում ենք, որ երկիրն էլ ու համախատասխանաբար բոլոր ճյուղերն էլ գտնվում են շատ ծանր վիճակում։ Եթե չեք կարող օգնել մեզ, գոնե փորձեք չխանգարել։

Ես իմ անձանական ամբիցիաները միշտ կողմ եմ դրել, դրա ապացույցն է այսօրվա առաջարկվող կանոնադրությունը, որտեղ նախագահի պաշտոնավարման ժամկետը նվազեցվում է երեքից երկու ժամկետի։ Ինչպե՞ս են նվազեցվում նախագահի լայն լիազորությունները կանոնադրությամբ, և լիազորություններ տրվում գործկոմին։ Եթե ես ունենայի անձնական ամբիցիաներ ինչ-որ բան անելու, երբեք նման առաջարկությամբ կանոնադրություն չէի բերի օրակարգ։ Սա ևս մեկ անգամ վկայում է, որ ինձ չի հետաքրքրում պաշտոնը։ Ես լծված եմ հայկական ֆուտբոլի առաջընթացի գործին, ամբողջ թիմով, ժողովի բազմաթիվ անդամներով, գործկոմի անդամներով քրտնաջան աշխատել ենք այս տարի ու բազմաթիվ հաջողություններ գրանցել։ Հաջողություն եմ մաղթում մեր աշխատանքներին ու հաջողություն եմ մաղթում հայկական ֆուտբոլին 2021թ․-ին»։

Արմեն Մելիքբեկյանի խոսքից հետո «Սևան» ֆուտբոլային ակումբի ներկայացուցիչը խնդրեց օրակարգից հանել այդ հարցը։

Continue Reading

Լրահոս

To Top